22 მაისს 19.00 საათზე სააკაშვილის საპრეზიდენტო ბიბლიოთეკაში ხელოვნებათმცოდნე ქეთი შავგულიძე საჯარო ლექცია წაიკითხავს - "პოსტმოდერნიზმი VS ფსევდომოდერნიზმი". დასწრება თავისუფალია. ლექციის დასასრულს გაიმართება დისკუსია.

“თვალი შეავლეთ კულტურულ ბაზარს: იყიდეთ უკანასკნელი ხუთი წლის განმავლობაში დაბეჭდილი რომანები, ნახეთ ოცდამეერთე საუკუნის კინო, მოუსმინეთ ბოლოდროინდელ მუსიკას – ბოლოს და ბოლოს, უბრალოდ, დაჯექით და უყურეთ ტელევიზორს ერთი კვირის განმავლობაში – და თქვენ ძლივს თუ აღმოაჩენთ პოსტმოდერნიზმის კრთომას”.- ალან კირბი

მოხსენება მიმოიხილავს თანამედროვე ვიზუალურ ხელოვნებაში მიმდინარე პროცესებს. 
რას „გვასწავლის“ თანამედროვე ხელოვნების ყველაზე მნიშვნელოვანი საერთაშორისო გამოფენა - ვენეციის ბიენალე? რა ჩაანაცვლებს პოსტმოდერნიზმს? რა მოდის შემდგომ - მეტა (meta) თუ ფსევდო (pseudo) მოდერნიზმი?


ქეთი შავგულიძის შესახებ 

ხელოვნებათმცოდნეობის დოქტორი.
თბილისის სახელმწიფო სამხატვრო აკადემიის მოწვეული ლექტორი; 
გრიგოლ რობაქიძის უნივერსიტეტის სრული პროფესორი.
ოცამდე სამეცნიერო ნაშრომის, რამდენიმე მონოგრაფიისა და სახელმძღვანელოს ავტორი. საერთაშორისო და ადგილობრივი სახელოვნებო ორგანიზაციების, ასოციაციების, გაერთანებების წევრი (EAM, OISTAT, ICOM და სხვ.).